الجهاز وما ادراك ملجهاز أصعب مهمة عندنا لبنات وتاخذلنا برشة من وقتنا و surtt من جيبنا و فلوسنا  En pleurs

 

أنا ليوم حبيت نفيدكم من تجربتي أنا عرست عندي 8 أشهر وعمري 26 سنة وجهزت روحي وحدي من طأطأ لسلام عليكم Rigolant باش نقلكم شنوا بلحق مهم برشة في الدار إكتشفتو بعد العرس وباش تبداو تزهزو وقداش تقريباً كلفة كل حاجة .

باهي أول حاجة لازم تبداو بها لكوجينة وخرمها لكل هاو باش نكتبهملكم في رؤوس أقلام :

    • -لينوكس ولا تفال ولا سيراميك : انا ننصحكم تشريو هكا noir لمنمش تلقاوه في المغازات الكبرى يتكلف كامل فل300 (3طناجر كبار وكسرونة كبيرة ومتاع حليب  و-3 قلايات  وواحد سراميك مطلي بلحق ياسر طيارة و ما يلصقش لمكلة جملا شريتو ب 250dt مل انترنت.

    • -سرفيس لمكلة لكبير إنتي ومقدورك من 300dt ل 1500dt

    • -مغارف و فراشت متاع كل يوم وسكاكن .

    • -menager لكبير mn 220dt ll 1000dt inti w lmarque

    • -les ustensiles de cuisine : لوش و ما تابعو .

    • -سرفيس مكلة متاع كل يوم واحد يزي أهوكم تلقاوهم ب max 80dt 6 piéces فلمغازات  marque roses des sables.

    • -منادل كوجينة وغطاء لطاولة .

    • -6 كيسان ماء. 15dt

    • -12 كوب متاع كل يوم. 12dt

    • -سرفيس قهوة حليب وعربي متاع كل يوم .

  • -2 صحافي كبار تستحقوهم فلتفريغ

  • -12 صحفة كريمة ويخدموا glace زادة وفلمولد تحطوا فيهم موجودين ديمة فل 15dt

  • -و تنجم تزيد 12 كوب صحفة زادة مزينين للعصيدة و glace.

  • -ما تنساوش صفاية حليب وكبيرة للمقرونة وبراد بربي

  • -غربال صغير

  • -طبق بلاستيك وأطبقة إنوكس.200dt المتوسطين

  • -حكك لفاح أقل حاجة 12 حكة : ملح، فلفل أكحل، كركم، فلفل أحمر، تابل، كروية، نعناع شايح، كليل وزعتر و …

  • -دبابز الخل والزيت إلي يتحطو علطاولة

**توا أهم حاجة فلكوجينة أنا نراها تسهل الحياة هو l’electromenager نبداو بالأهم:

  • -robot multifonctions إلي يفرم ويعمل سلطة وlait de poule . إنتي وlmarque من 200dt.

  • -robot plongeur tres pratique. ترحي به برودو ولا jus ولا أي حاجة

  • -bouilloire: إلي يسخن الماء tres pratique تمرق به طنجرتك ،لتاي ولا infusion ولا لصمتان المقرونة تاك تاك لماء يغلي. 50dt

  • -لبنيني متاع الخبز.45dt

  • -cafetiére électrique.45dt

  • -presse agrumes : لعصر البرتقال والليمون .35dt

  • -حديد لحوايج بطاولتو. حديد ب-70dt وطاولة باهية فل 40dt

  • -سشوار باهي 90dt.

  • -هذم زايدين أما للي مغروم بلكوجنة كيفي وتطييب يشريهم: gauffrier و متاع cup cakes ومعمول ولي تصمت لعظم و تركض لحليب و crépiére وعجانة .

  • -زرابي لكوجينة في زهروني ب100dt ياسر مزيانين وريدووات يتشراو اخر حاجة كي تشوف دارك .

**توا نتعداو لبيت النوم :

  • -أهم حاجة إشريو أقل حاجة 6 ملاحف و 6 غطاء فرش . لوحدة ب-40dt cotton نقولو لكل فل 250dt

  • -2 فرشيات عاديين خشان متاع شتاء. إزوز 200dt

  • -1 فراشية مزيانة مطرزة لنفاس ولا كي تجيك مناسبة  .300dt

  • فرش العرس. 500dt

  • -2 أباجورات لبيت. 80dt

  • -bibelots إلي يتحطو عل coiffeuse. كان كريستال ب-180dt وكان faux كريستال فل 50dt

  • -زرابي وريدو كي ترى بيت نومك. زرابي من زهروني فل 200dt صوف

**بيت الصالة:

  • -les accessoires de decor

  • -سرفيس كريستال من 500dt ونتي طالعة إنت وشنوا لمارك إلي تحب أصلي ولا made in italy

  • -les napperons إلي يتفرشو تحت les accessoires فل 80dt لل-140dt

  • -زربية من 200dt ونتي طالعة

**بيت لبانو :

  • -les accessoires de bain إنتي وفلوسك تقريباً 40dt

  • مناشف بلحق قد ما تشريو وشوية أنا لقيتهم أهم حاجة خاطر ديما نبدل ويتوسخو.

  • les deux cap de bain. 150dt

  • -زرابي 30dt من بومنديل ولا زهروني ولا ترفر

**توا الملابس والملابس الداخلية :

  • -الملابس الداخلية إنتي وذوقك وفلوسك

  • -بيجاموات صيف وشتاء

  • -لازمك عندك على الأقل 3 لابسات شتاء مضخمين و 3 صيف.

  • -صبابط وكل صباط اشريه بساكو ننصحكم وشلايك

  • -maillot وما تابعوا متاع بحر

  • -robe soirée و صباتها وساكها

  • -maquillage

  • -على الأقل 1 parfum de marque

  • -des accessoires يتلبسوا

ووفا الزهاز Avare لفايدة نوسعوا بالنا ونشريو لمهم ولي تستحقه ملول وبعد شريان ما يوفاش احنا نساء ديمة نشريو ما نشبعوشBisou

توا ما بقى ما نقلكم كان انشالله إستفدتو من كلامي و انشالله تاخذو بنصايحي وربي يهنيكم لكل ويقوي سعدكم ويعاونكم ربي في هالمهمة الصعبة ههههه Rigolant

إلي تحب تسئلني على حاجة ولا منين تشريها إكتبلي commentaire تحت المقال و يسعدني برشة نجاوبكم ونعاونكم.Bisou

ترك الرد

Please enter your comment!
Please enter your name here