شكون فينا تونسي و ما يحبش الفريكاسي؟ وشكون فينا ما يحبش يطيبوا في دارو لعايلتو و يجيه ناجح ؟

انا ليوم جبتلكم وصفة كيما لعادة ختارتها من مئات الوصفات وأحسنهم إلي باش تخلي لفريكاسي متاعك يجيك منفج ومنفوخ وطري.جربها وتو تراو البنة و تنساو شدان الصف عند لفطايري.

– مقادير عجينة الفريكاسي:

*500 غرام فارينة

*1 خميرة فورية (متاع خبز)

*ملعقة كبيرة سكر

*ملعقة قهوة ملح

*نصف كاس زيت

*باكو رايب

-مراحل العجينة   :

-1- أول حاجة في وصفاتي الكل إلي فيها عجينة لازم نطلعو لخميرة  نعاود نفسر اش معناها ؟؟؟ لخميرة بش تطلع لعجينة فيسع وتعطي مفعولها نحطو لباكو في كاس معاه سكر ونزيدوه ماء ملذذ مش سخون خاطر ماء سخون نقولو بلوغتنا يقتل لخميرة ونخليوه لين يتنفخ هكاكا 5 دقائق .

-2- نحطو الفرينة+ملح+زيت+خميرة بعد ما نفجت وتنفخت ونزيدو الرايب بشويا لين تتلم لعجينة وتولي لينة ونخليوها ترتاح أقل حاجة 30 دقيقة لين يتضاعف حجمها. وبعد نحلو لعجينة بلقلقال بشوية من غير ما  نفسدو تنفيجت لعجينة ونحلوها سمك 2 صم ونشكلو بكاس كبير كان نحبو كعبات كبار ولا بكاس صغير كان تحبو ميني سالي ونخليوها تزيد ترتاح 30 دقيقة .

-3-توا نسخنو زيت في حاجة لازم تكون غارقة ونقليو كعيبتنا.

الحشو :

– نقصوا بطاطا مربعات و نصمتوها لين طيب ونصمتو كعبات عظم ونحلو هريسة في طرف ماء وزيت ونجمو نزيدو كبار وجبن على كيفكم ونحشيو كعبات لفريكاسي.

 

 

وهذي النتيجة :

                                                                        *صحة ليكم وبالشفاء*

ترك الرد

Please enter your comment!
Please enter your name here