لملاوي وما ادراك ما لملاوي من أحسن وأشهر لأكلات التونسية إلي نحبو ديما ناكلوها و ما نشبعوش منها.

أما قداش تولي صحية كي نقدوها في ديارنا بلزيت زيتونة صافي وفي ماعوناتنا النظيفة وقتها يزيد لملاوي بنة على بنة .

أيا ما نطولش عليكم ونبدالكم بل recette الساهلة الماهلة.

**المقادير:

-1- 500gr سميد أرطب

-2-ماء دافي

-3-شوية ملح

وكهو ؟؟ أي كهو  أنا هذي أحسن recette ملاوي تعجبني نحبها سميد صافي و زيد ساهلة فلعجنان كي تبدا سميد صافي .فمة إلي يعملو بلفرينة ولحليب و يزيدو عظمة و…. كل حد كيفاه يحب يعمل .

**المراحل :

-1-تخلط المقادير لكل سميد+ملح وتعجن بلقدا بلماء الدافي هكاكا 15min لين تولي تتلصق و-souple .

          

-2-أهم حاجة فل recette هذي لزمها ترتاح بلقدا على قد ما ترتاح على قد ما تجيك هبال donc حطها في شقالة كبيرة وسكر عليها ب-sachet و غطيها بمنديلة minimum 4h .تنجم تعملها من الليل و طيبها من غدوة.

-3-بعد ما رتاحت ناخذو لعجينة و نشكلو كويرات وكل كويرة نحلوها بالزيت ونطويوها على 4 ونعاودو نحلوها ونخليوها ترتاح 15min .

-4- وبعد نطيبوهم على طاجين ولا قلاية.

                                                       

ترك الرد

Please enter your comment!
Please enter your name here