شكون ما يحبش تارت بالغلة نعملوها بيدياتنا في لمة ولا نهزوها معانا في مناسبة ياسر شبابة وبنينة .تابعوا المراحل معايا ياسر ساهلين.

**المقادير :

*الكريمة :

-500ml حليب

-4 مغارف كبار نشا

-2 فص أصفر متاع عظمتين

-عطرشية

-4 مغارف كبار سكر

-نص حكة حليب مركز

*العجينة :

-300 غرام فارينة

-150 غرام زبدة مش مذوبة أما نبداو مخرجينها ملفرجدير

-مغرفة قهوة ملح

-3 مغارف كبار سكر

-1 عظمة

-كان إستحقينا باش تتلم لعجينة شويتونة حليب نزيدو

**المراحل :

1-نبداو بلعجينة نخلطو لمكونات لكل ونلموها لمان لين تولي عجينة لينة ونخليوها ترتاح فلفرجيدر 30 دقيقة .

2-بعد نحلوها و نفرشوها فل طبق ونقبوها بلفرشيطة وندخلوها طيب في 180 درجة هكاكا 10 دقائق لين نراوها بدات دوبمة تحمار.

3-بعد ما طيب لعجينة نحضرو لكريمة خاطر ديراكت لازم نصبوها سخونة عل عجينة.

4-أول حاجة نحطو لحليب يغلي وعلى جنب نخلطو نشا وأصفر لعظم وسكر و لعطرشية وشوية حليب و نخلطوها بلقدا لين نحيو لكعابر ويتحل نشا .

5-وقتلي غلى لحليب نصبو خليط ونبقاو نحركو لين تعقاد باش ما تكعبرش كان لقينا إلي لكريمة ما عقادتش بلقدا نزيدو مغرفة نشا نحلوها فل عطرشية ونصبوها ونزيدو نحركو بل ركاضة اليدوية لين تعقاد .

6-بعد ما حضرت لكريمة نصبو نص حكة حليب مركز ونحركو ونصبوها على لعجينة الطايبة .

7- نخليوها تبرد وبعد نزينوها بلغلة إلي نحبو و نعملوا شوية شحور ( سكر ضعفو ماء ونخليوه يغلي ) و نصبو بلمغرفة علغلة بعد ما زيناها باش تبدا تلمع و مشحرة بنينة .

وهذه النتيجة :

    

                                                          *صحة ليكم وبالشفاء*

ترك الرد

Please enter your comment!
Please enter your name here