الcornet من أبن و أخف الأكلات السريعة إلي نحبوهم وديما نشريوهم، أما علاش ما نتعلموش نعملوه وحدنا فالدار ؟ علاش ما نطيبهوش لصغارنا نظافة وبنة وخفة و زيد فلوسنا في جيبناRigolant



**المقادير :

-1- 500gr فارينة

-2- 1 عظمة

-3- 1 خميرة خبز

-4- 1 خميرة حلويات

-5- شوية ملح وسكر

-6-نصف كاس زيت

-7-حليب كان استحقينا باش نلمو لعجينة

          

**المراحل :



-1- أول حاجة في وصفاتي الكل إلي فيها عجينة لازم نطلعو لخميرة  نعاود نفسر اش معناها ؟؟؟ لخميرة بش تطلع لعجينة فيسع وتعطي مفعولها نحطو لباكو في كاس معاه سكر ونزيدوه ماء ملذذ مش سخون خاطر ماء سخون نقولو بلوغتنا يقتل لخميرة ونخليوه لين يتنفخ هكاكا 5 دقائق .

                              

-2- نحطو الفرينة+عظمة +ملح+زيت+خميرة بعد ما نفجت وتنفخت ونلمو العجينة بشوية وكان استحقينا نزيدو شويا حليب  لين تتلم لعجينة وتولي لينة ونخليوها ترتاح أقل حاجة 30 دقيقة لين يتضاعف حجمها. وبعد نحلو لعجينة بلقلقال بشوية من غير ما  نفسدو تنفيجت لعجينة ونحلوها سمك 1 صم.

                                                                     

-3-توا نحطوا إلي نحبو أنا عملت لحم مفروم ذبلتو بلبصل وشوية زيت ،بعد عملت couche صلصة طماطم وهريسة وحطيت لحم مفروم وبرشة جبن موزاريلا من عند اللبان إشريو موزاريلا fondant قولولو وزدت بصل وفلفل .

-4-الفرن لازم يكون سخون فل 230 درجة وما نطيبوهاش برشة هكاكا 10min دوبمة تبدا تحمار.

**وهذي النتيجة :

                                                          

ترك الرد

Please enter your comment!
Please enter your name here